Իրանը սպառնում է ականապատել Պարսից ծոցը
Իրանի Պաշտպանության խորհուրդը հայտարարել է, որ երկրի ափերի կամ կղզիների վրա հարձակման դեպքում Թեհրանը ականապատելու է Պարսից ծոցի բոլոր ծովային ուղիները։
«Հիշեցնում ենք, որ Իրանի ափերի կամ կղզիների վրա թշնամու հարձակման ցանկացած փորձի դեպքում Պարսից ծոցի բոլոր ծովային ուղիները, ինչպես նաև ափը, ականապատվելու են», – ասվում է Պաշտպանության խորհրդի հայտարարության մեջ, որը մեջբերում է Fars լրատվական գործակալությունը։
Հայտարարության մեջ նաև նշվում է, որ Հորմուզի նեղուցով անցումը հնարավոր է միայն Իրանի նկատմամբ թշնամաբար տրամադրված չհամարվող երկրների համար՝ Թեհրանի համաձայնությամբ։
Աղբյուր՝ AntiFake.am
