Սամվել Կարապետյանը Սերժ Սարգսյանի հետ միասին փրկել են ՀԷՑ-ը. Ղազինյան
«Ի պատիվ Հայաստանի երրորդ նախագահ Սերժ Սարգսյանի, ինքը բարձրաձայնեց դրա մասին, քանի որ շատ հարցեր էին պտտվում»,- ասուլիսում ասաց ՀԷՑ-ի գլխավոր տնօրենի նախկին պաշտոնակատար Դավիթ Ղազինյանը՝ անդրադառնալով ՀՀ երրորդ նախագահ Սերժ Սարգսյանի երեկվա ճեպազրույցին, որ ինքն է խնդրել Սանվել Կարապետյանին ձեռք բերել ՀԷՑ-ը։
Նա շարունակեց. «Ես ասել էի, որ իշխանությունները փրկել են ՀԷՑ-ը, 2-3 ամսվա կյանք էր մնացել, սնանկության էր գնում։ Սամվել Կարապետյանը հասկանալով ինչ բեռի տակ է մտնում՝ համաձայնվել էր, նաև հաշվի առնելով կապերն իշխանությունների հետ, որ ՀԷՑ-ը փրկի։
Եթե ՀԷՑ-ը գնար սնանկացման, մեր պետության տնտեսության համար շատ լուրջ ցնցում էր լինելու։
Իրականում, Սամվել Կարապետյանը երրորդ նախագահի հետ միասին փրկել են ՀԷՑ-ը։ Վիճակը շատ վատ էր, որպես ներսի մարդ եմ ասում, այն ժամանակ էլ եմ աշխատել»։
Աղբյուր՝ AntiFake.am
