Վրաստանի Խորհրդարանի նախագահը քննադատել է Եվրամիությանը
Վրաստանի Խորհրդարանի նախագահ Շալվա Պապուաշվիլին լրատվամիջոցների հետ զրույցում արձագանքել է Վրաց պատրիարքի Սուրբ Ծննդյան ուղերձին, որտեղ խոսվում է խոսքի ազատության մասին, և իր մեկնաբանության մեջ կրկին քննադատել է Եվրամիությանը։
Պապուաշվիլիի խոսքով՝ պատրիարքը նշել է. «Բոլորը պետք է հասկանան, որ խոսքի ազատության տեսքով մեզ են ներկայացրել ամենաչար և ամենամարդասպան զենքը, որը սպանում է ոչ միայն ֆիզիկապես, այլև մարդկային հոգին»։
«Հետևաբար, կարևոր է, որ մենք լսենք ոչ թե կեղծ գաղափարախոսություն տարածողներին՝ Բրյուսելին և նրա կողմից ֆինանսավորվող ՀԿ-ներին, այլ մեզ 1700 տարի ծառայող Եկեղեցուն և նրա խոսքին», — ասել է Շալվա Պապուաշվիլին։
