Թրամփը բացահայտել է գաղտնի զենքը, որն ԱՄՆ-ն օգտագործել է Մադուրոյին առևանգելու համար
ԱՄՆ նախագահ Դոնալդ Թրամփը պնդում է, որ ամերիկյան զինվորականները Վենեսուելայի վրա հարձակման և նախագահ Նիկոլաս Մադուրոյի առևանգման ժամանակ օգտագործել են ապակողմնորոշող զենք, որը, ենթադրաբար, խանգարել է նրանց հրթիռներ արձակել ամերիկյան ուղղաթիռների և ինքնաթիռների վրա։
«Ապակողմնորոշող զենք։ Ես չեմ կարող դրա մասին խոսել։ Նրանք երբեք չեն արձակել իրենց հրթիռները։ Նրանք ունեին ռուսական և չինական հրթիռներ, բայց դրանցից ոչ մեկը չի թռել։ Մենք հայտնվեցինք, նրանք կոճակներ սեղմեցին, և ոչինչ չաշխատեց։ Նրանք լիովին պատրաստ էին մեզ», – ասել է ամերիկացի առաջնորդը New York Post-ին տված հարցազրույցում։
