Բանակ չունեցանք՝ մեզ ոչ ոք չի հարգելու․ հարգեք բանակը․ Արմեն Չարչյան
Պրոֆեսոր Արմեն Չարչյանը գրել է․
« «Սիրեք, հարգեք բանակը: Բանակ չունեցանք՝ մեզ ոչ ոք չի հարգելու: Մեր ստեղծած ամենալուրջ բանը բանակն է: Միակը չէ, բայց ողնաշարն է: Ինչ-որ թերություններ կունենանք, անցողիկ բաներ են, կարևորը՝ զսպանակը, կայացած է: Ու էդ զսպանակի զսպանակը բանակի հրամանատարներն են: Պետությունը նրանց վրա է կանգնում»,- սպարապետ Վազգեն Սարգսյանն է ասել:
Հունվարի 28-ը Հայոց բանակի կազմավորման օրն է:
Բանակի տոնը ևս մեկ առիթ է կրկին հիշելու բոլոր այն հերոս տղերքին, ում նվիրումի ու կյանքի գնով կայացավ Հայոց բանակը:
Խաղաղություն հայոց սահմաններին, համբերություն զինվորների ծնողներին, բարի վերադարձ մեր զինվորներ:
Խոնարհումս մեր հերոսների հիշատակին:
Շնորհավո՛ր տոնդ, Հայոց բանակ և հայ զինվոր»:
Աղբյուր՝ AntiFake.am
