Կրեմլում պատասխանել են Ռուսաստանի և Ֆրանսիայի միջև երկխոսության հնարավոր վերսկսման վերաբերյալ հարցին
Կրեմլը հանրությանը կտեղեկացնի, երբ Ֆրանսիայից ազդանշան ստանա Ռուսաստանի հետ երկխոսությունը վերսկսելու պատրաստակամության մասին։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը հերթական ճեպազրույցի ժամանակ։
Լրագրողները նրան հարցրել են, թե արդյոք Մոսկվան որևէ ազդանշան է ստացել Փարիզից՝ Ֆրանսիայի առաջնորդ Էմանուել Մակրոնի վերջին հայտարարությունների լույսի ներքո։
«Երբ դա տեղի ունենա, մենք ձեզ կտեղեկացնենք»,- ասել է Պեսկովը։
