Ավստրիայի կանցլեր Սեբաստիան Կուրցը երեկ հայտարարել է, որ ծրագրում է հրաժարական տալ զբաղեցրած պաշտոնից: Կառավարության ղեկավարի հրաժարականին հետևեց կառավարության ղեկավարի վերաբերյալ դատախազության հայտարարությունը այն մասին, որ Կուրցը կոռուպցիոն հետաքննության թիրախում է: Այս մասին գրում է «Guardian» միջազգային լրատվական գործակալությունը:
Հայտարարությամբ Կուրցը հայտնել է, որ խնդրել է արտաքին գործերի նախարար Ալեքսանդր Շալենբերգին փոխարինել իրեն, իսկ ինքը ծրագրում է դառնալ «Ավստրիացի ժողովուրդ» կուսակցության խորհրդարանական խմբակցության ղեկավարը:
Կուրցը կանցլերի պաշտոնը ստանձնել է 2020 թվականի հունվարից` որպես կոալիցիոն կառավարության ղեկավար: Կոալիցիոն կառավարության մաս կազմող Կանաչների կուսակցության առաջնորդ, փոխկանցլեր Վերներ Կոգլերը ողջունել է Կուրցի որոշումը` անվանելով այն «ճիշտ և կարևոր քայլ»:
«Սա նշանակում է, որ մենք կարող ենք շարունակել կառավարությունում մեր աշխատանքը»,- ասել է նա:
Լրագրողների հետ զրույցում Կուրցը հայտարարել է, որ իր որոշման պատճառներից մեկն էլ այն է, որ այս քայլով ցանկանում է կանխել հնարավոր քաոսը և ապահովել կայունությունը երկրում:
Կուրցը և նրա համախոհները մեղադրվում են պետական միջոցներով, մանիպուլացված հարցումներով և մամուլում վերջինիս մասին դրական հրապարակումներով նրա առաջնորդությունն ու աջակցությունն ապահովելու համար:
Կուրցը, սակայն, հերքում է մեղադրանքները, նշելով, որ դրանք կեղծ են: Վստահ է` կարող է ապացուցել:
Աղբյուր՝ AntiFake.am