Քաղաքացուն «տուգանքի մատերիալ չհամարող» իշխանության կողմից կորոնավիրուսային համաճարակի ժամանակահատվածում դիմակ չկրելու համար վերջին տվյալներով տուգանվել է ավելի քան 100 հազար քաղաքացի։ Պարզվում է, սակայն, որ բազմաթիվ իշխանականներ, այդ թվում՝ Արտակարգ դրության արդեն նախկին պարետ, փոխվարչապետ Տիգրան Ավինյանը, ում թեթև ձեռքով իրականացվել և իրականացվում է քաղաքացիներին «տուգանքի մատերիալի» վերածելու գործընթացը, և նրա հարազատները արտոնյալ են՝ դիմակ կրելու պահանջը նրանց վրա չի տարածվում։ Տիգրան Ավինյանի աները՝ Արթուր Պահլավունին, ամեն օր առանց դիմակ կրելու զբոսանքի է հանում իր շանը։ Գործողությունը կրկնվում է ամեն օր և զարմանալիորեն որևէ ոստիկան «չի նկատում» քաղաքացիներին տուգանող Ավինյանի` առանց դիմակ շրջող աներոջը։ Ավինյանի կնոջ հայրը ինքն էլ փաստորեն թքած ունի փեսայի կայացրած որոշումների վրա, և չնայած իր շուրջ հազարավոր քաղաքացիներ են տուգանվում իր փեսայի որոշմամբ, դա չի խանգարում ամեն օր առանց ամաչելու առանց դիմակի զբոսնել քաղաքում։
Ինչ վերաբերմունք պետք է ունենան քաղաքացիները այս իշխանության որոշումների նկատմամբ, եթե դրանք չեն հարգվում և պահպանվում անգամ իշխանականների հարազատների կողմից։
Նկարում՝ Տիգրան Ավինյանի աները՝ Արթուր Պահլավունին շան հետ զբոսնելիս
Նկարում՝ աջից` Տիգրան Ավինյանի աները և կինը
Русская версия статьи.
Աղբյուր՝ AntiFake.am