Լենա Նազարյանը բարձրաստիճան անձանց էթիկայի հանձնաժողով է ներկայացրել երեք հայտարարագիր:
Առաջին հայտարարագիրը՝ 2017թ. ներկայացված պաշտոնը ստանձնելու հայտարարագիրն է, որում նշված է Նազարյանի դրամական միջոցները պաշտոնը ստանձնելու պահին, որը կազմել է 1,000,000 ՀՀ դրամ:
Նազարյանի կողմից ներկայացված երկրորդ՝ պաշտոնատար անձի տարեկան հայտարարագրում նշված է, որ վերջինս հարկային տարում ձեռք է բերել 27,200,000 ՀՀ դրամ արժողությամբ բնակարան:
Լենա Նազարյանի դրամական միջոցները հարկային տարվա սկզբում և վերջում կազմել է 1,000,000 ՀՀ դրամ:
Եկամուտները հարկային տարում կազմել են 28,192,000 ՀՀ դրամ:
Նազարյանի ներկայացրած երրորդ՝ 2018թ. պաշտոնատար անձի տարեկան հայտարարագրում ներկայացված են վերջինիս դրամական միջոցները հարկային տարվա սկզբում և վերջում՝ 1,000,000 ՀՀ դրամ, և եկամուտները հարկային տարում ՝ 6,537,640 ՀՀ դրամ:
Լենա Նազարյանի ամուսնու կողմից ներկայացված հայտարարագրերը ունեն հետևյալ պատկերը՝
2017թ. տարեկան հայտարարագրում Նազարյանի ամուսինը ՝ Նարեկ Բաբայանը հայտարարագրել է դրամական միջոցները, որը հարկային տարվա սկզբում և վերջում կազմել է 1,000,000:
2018թ. տարեկան հայտարարագրում Նարեկ Բաբայանի դրամական միջոցները հարկային տարվա սկզբում կազմել է 500,000 ՀՀ դրամ, իսկ հարկային տարվա վերջում ՝ 600,000 ՀՀ դրամ:
2017թ. Նարեկ Բաբայանի եկամուտները հարկային տարում կազմել է 27,480,000 ՀՀ դրամ, իսկ 2018թ.՝ 4,995,965 ՀՀ դրամ:
Հեղինակ՝ Մարի Ավագյան