ՌԴ արտգործնախարար Սերգեյ Լավրովը հոկտեմբերի 17-ին հեռախոսազրույցներ է ունեցել Ադրբեջանի արտգործնախարար Ջեյհուն Բայրամովի և Հայաստանի արտգործնախարար Զոհրաբ Մնացականյանի հետ:
Կողմերը քննարկել են Լեռնային Ղարաբաղի հակամարտության գոտում առկա իրավիճակը:
Սերգեյ Լավրովը շեշտել է հոկտեմբերի 1-ին Ռուսաստանի, ԱՄՆ-ի և Ֆրանսիայի նախագահների կողմից ընդունված հայտարարության արդիականությունը:
Քննարկումների ընթացքում ընդգծվել է հոկտեմբերի 10-ին Ռուսաստանի, Հայաստանի և Ադրբեջանի արտգործնախարարների կողմից Մոսկվայում ընդունված հումանիտար նպատակներով կրակի դադարեցման հայտարարության դրույթների խիստ պահպանման անհրաժեշտությունը:
Կողմերը հաստատել են ԵԱՀԿ Մինսկի խմբի համանախագահների միջնորդությամբ հնարավորինս արագ խաղաղ կարգավորման հասնելու նպատակով հիմնարար սկզբունքների հիման վրա բովանդակային բանակցությունների սկսման վերաբերյալ Մոսկվայի համաձայնության կարևորությունը:
Աղբյուր՝ AntiFake.am