Ադրբեջանի վարչապետ Նովրուզ Մամեդովը հրաժարական է տվել. նոր վարչապետի անունը արդեն հայտնի է

Այսօր` հոկտեմբերի 8-ին, հրաժարական է տվել Ադրբեջանի վարչապետ Նովրուզ Մամեդովը: Մամեդովը վարչապետի պաշտոնում էր նշանակվել 2018թ. ապրիլի 21-ին: Նախկինում նա զբաղեցնում էր Ադրբեջանի նախագահ Իլհամ Ալիևի աշխատակազմի արտաքին հարաբերությունների դեպարտամենտի ղեկավարի պաշտոնը: Հրաժարականի պատճառների մասին չի խոսվում:

Խորհրդարանը (Միլլի Մեջլիսը) արդեն հասցրել է միաձայն ընտրել Կառավարության նոր ղեկավարին: Նորընտիր վարչապետը Ալի Ասադովն է` դարձյալ նախագահական աշխատակազմից: Նա զբաղեցնում էր նախագահ Ալիևի աշխատակազմի տնտեսական հարցերով օգնականի/ դեպարտամենտի ղեկավարի պաշտոնը: