Ղազախստանի նախագահ Նուրսուլթան Նազարբաևը, որը նախագահում է 1990թ. ապրիլի 24-ից, վայր է դրել երկրի ղեկավարի լիազորությունները: Նազարբաևը վերջին անգամ երկրի ղեկավարի պաշտոնում վերընտրվել էր 2015թ. ապրիլին կայացած արտահերթ նախագահական ընտրություններում:
«Ես որոշել եմ դադարեցնել իմ լիազորությունները նախագահի պաշտոնում», -հայտարարել է Նազարբաևը՝ ելույթ ունենալով հանրային հեռուստաընկերությունների եթերում։
Նուրսուլթան Նազարբաևը կշարունակի գլխավորել Անվտանգության խորհուրդը։
Այս տարի լրանում է Նազարբաևի 79-ամյակը։ Նա Ղազախստանի առաջին և միակ նախագահն է։