Վրաստանը հայտարարել է երկրում խաղաղության հաստատման մասին
«Վրաստանում խաղաղությունն ու կայունությունը ձեռք են բերվել երկրի ղեկավարության վարած քաղաքականության շնորհիվ»,-երկրում հավատարմագրված դեսպանների համաժողովում այդ մասին հայտարարել է վարչապետ Իրակլի Կոբախիձեն, որի խոսքերը մեջբերել է «ՌԻԱ նովոստի»-ն։
Նրա խոսքով՝ Վրաստանի իշխանությունները կարողացել են պաշտպանել ազգային շահերը և պահպանել երկրի կայունությունն ու խաղաղությունը։
Կոբախիձեն նաև ընդգծել է, որ Վրաստանում այսօր հաստատված խաղաղությունը պատահականություն չէ, այլ հետևողական և խոհեմ քաղաքականության արդյունք։
