Մինչ իշխանական «ակտիվիստները» շրջում են փողոցներում, մարդկանց անձնական տարածքներում դիմակ կրելու կոչեր անում, վարչապետ Փաշինյանն էլ գրեթե ամեն օր դիմակ կրելու վերաբերյալ ուղիղ եթերներ է անում և կոկորդը պատռելով «համոզում» դիմակ կրել՝ իշխանական գործիչները հանրային տարբեր վայրերում շարունակում են շրջել առանց դիմակների և այդպիսով «օրինապահության» օրինակ են ծառայում քաղաքացիների համար:
Այս անգամ AntiFake.am-ի ֆոտոխցիկը ֆիքսել է ՀՀ ԱԺ փոխխոսնակ Ալեն Սիմոնյանին հանրային վայրում առանց դիմակի։ Վերջինս սնունդ չէր ընդունում և պարզապես խոսում էր հեռախոսով:
Հիշեցնենք, որ օրեր առաջ էլ պարետ Ավինյանին էին առանց դիմակի նկատել մեկ այլ սրճարանում: Ավինյանի պարզաբանման համաձայն, հանրային սննդի վայրերում դիմակ կրելը պարտադիր չէ, այնինչ նրա հետ սրճարանում գտնվող ԱՆ Ռուստամ Բադասյանը կրում էր դիմակ:
Պաշտոնյաների նման վարքագիծը կորոնավիրուսային իրավիճակում անլրջության հերթական վառ օրինակն է:
Русская версия статьи.
Աղբյուր՝ AntiFake.am