Մի քանի օր համացանցում քննարկվում էր այն թեման, որ մայիսի 8-ին Երևանի ավագանու արտահերթ հրավիրված նիստում նախատեսվում է ընդունել հաստիքացուցակների փոփոխության մասին որոշումը, որը կհանգեցներ քաղաքապետարանի մի շարք աշխատակիցների աշխատավարձերի զգալի բարձրացմանը, իսկ քաղաքապետ Հայկ Մարությանը իր աշխատավարձով կհավասարվեր վարչապետի ստացած աշխատավարձին:
Արդեն այսօր, մայիսի 8-ին կայացած նիստի ընթացքում, Հայկ Մարությանը այդ նախագիծը հանեց նիստի օրակարգից այն պատճառաբանությամբ որ հավելյալ քննարկումների կարիք կա:
Նա նշեց, որ կողմ է եղել քաղաքապետարանի աշխատակիցների աշխատավարձերի բարձրացմանը, սակայն դեմ է եղել իր աշխատավարձի բարձրացմանը, բայց իրավաբանները պնդել են, որ դա կդիտարվի որպես օրենքի խախտում։