Ինչպես տեղեկացրել էինք նախորդ հոդվածում, Երևանի քաղաքապետ Հայկ Մարությանը լրագրողների հետ զրույցում ասել էր, որ բարեկարգ վերելակներ ունենալու համար պետք է վճարեն Երևանի բնակիչները: Հայկ Մարությանը դա հիմնավորել էր այն պատճառաբանությամբ, որ վերելակները պատկանում են բնակիչներին, և փոխարինված վերելակների գումարները պետք է վճարվեն բնակիչների կողմից տարիների ընթացքում:
Երեկ էլ Երևանի քաղաքապետի տեղակալ Հայկ Սարգսյանն իր մամուլի ասուլիսի ընթացքում ոչ միայն կրկնեց Հայկ Մարությանի խոսքերը, այլ նաև ասաց, որ տրանսպորտային ցանցի բարեփոխումները ևս կվճարվեն Երևանի բնակիչների միջոցների հաշվին:
Հարց է առաջանում, թե ինչու Հայկ Մարությանը իր նախընտրական քարոզարշավի ընթացում չէր ասում, որ բարոփոխումները լինելու են Երևանի բնակիչների «հաշվին»։
Այս և մի շարք այլ հայտարարությունները՝ կապված նախընտրական խոստումների հետ, փաստում են, որ Հայկ Մարությանը տվել է այնպիսի նախընտրական խոստումներ, որոնք նա ոչ մի պարագայում ի վիճակի չէ կյանքի կոչել:
Հեղինակ՝ Մարի Ավագյան