Ինչպես գիտեք, Հայաստանի Հանրապետությունը գտնվում է արտակարգ դրության մեջ՝ իր բոլոր արտակարգ հանգամանքներով, և արձանագրում նոր տեսակի կորոնավիրուսով վարակվածներին արդեն 160 դեպք: Իսկ AntiFake.am-ը շարունակում է իր բնականոն գործունեությունը:
Այս անգամ ընթերցողի դատին ենք ներկայացնում մի քանի աղմկահարույց բացահայտումներ:
Մեր մշտադիտարկման արդյունքում պարզվեց, որ ՀՀ Ազգային անվտանգության կողմից բացահայտված գործը, որը մի շարք լրատվամիջոցներ տարածում և լուսաբանում էին ՊԵԿ նախկին նախագահ Գագիկ Խաչատրյանի լուսանկարներով, առնչություն չունի վերջինիս հետ: Մենք նման բոլոր լրատվամիջոցերին հավաքեցինք և ներկայացրեցինք՝ հետագա մանիպուլյացիային վերջ տալու համար: ԱԱԾ հայտարարությանը և նշված լրատվականների ցանկին կարող եք ծանոթանալ առանձին հրապարակմամբ:
AntiFake.am-ը դեռևս այս տարվա սկբին ահազանգել էր, որ 2020թ. մարտի 1-3-ը «Իրավունքի կողմ» հասարակական կազմակերպությունը տրանս ճամբար է կազմակերպում տրանս անձանց, տրանս ակտիվիստների և տրանս անձանց ընտանիքի անդամների համար։ Մենք որոշեցինք պարզել, թե ովքեր են դրա կազմակերպիչները և անցկացման ջատագովները: Պարզեցինք, որ տրանս ճամբարի կազմակերպիչները և նրանց հովանավորները սերտ կապերի մեջ են «Բաց հասարակության հիմնադրամներ-Հայաստան» գրասենյակի և Հայաստանի ներկայիս իշխանության հետ:
Իսկ «Բաց հասարակության հիմնադրամներ» կազմակերպության հիմնադիր Ջորջ Սորոսը «Տարվա բարերար» մրցանակ ստացավ «Inside Philantrophy» կազմակերպության կողմից: Որոշեցինք պարզել, թե ինչ կապ ունեն «Տարվա մրցանակ» շնորհող «Inside Philantrophy» կազմակերպությունը և նրա հիմնադիր Դեյվիդ Քելըհենը Ջորջ Սորոսի հետ:
Ուսումնասիրությունները մեզ թույլ են տալիս ենթադրել, որ «Inside Philantrophy» կայքի հիմնադրի կողմից Ջորջ Սորոսին տրամադրված մրցանակի հետևում տարիներ ձգվող համագործակցության արդյունք է:
Վերը նշված հոդվածները՝ առավել մանրամասն՝
- Մեդիամանիպուլյացիա․ ԶԼՄ-ները ՊԵԿ նախկին նախագահի հետ առնչություն չունեցող ԱԱԾ բացահայտումը լուսաբանել են Գագիկ Խաչատրյանի նկարներով
- Ովքե՞ր են ֆինանսավորում տրանս ճամբարի կազմակերպումը և աջակցում ԼԳԲՏ անձանց՝ ներգրավելով նրանց քաղաքական-հասարակական կյանքում
- Ջորջ Սորոսը՝ «Տարվա բարերար». ինչ կապ ունի Սորոսը մրցանակը շնորհած կազմակերպության հետ. ՓԱՍՏԵՐ
Շարունակեք հետևել AntiFake.am-ի հրապարակումներին սոցիալական տարբեր հարթակներում՝