Այսօր` ապրիլի 15-ին, վաղ առավոտից #sutNikol նախաձեռնությունը խաղաղ ակցիա էր սկսել` #sutNikol գրաֆիտիներով պատելով քաղաքը, որն ուղղված է գործող իշխանությունների ստի և կեղծիքի դեմ:
Նախաձեռնության անդամները եղել են Հյուսիսային պողոտայում, Աբովյան, Ամիրյան փողոցներում և Հանրապետության հրապարակում: Ակցիային միացել են նաև Հայաստանի տարբեր քաղաքները, մասնավորապես Սիսիանը, Վանաձորը, Մարալիկը, Գյումրին, Ախուրյանը, Ամասիան, Էջմիածինը:
Ակցիայի մեկնարկից կարճ ժամանակ անց Ոստիկանության բաժիններ են բերվել #sutNikol նախաձեռնության 12 անդամներ, այդ թվում` համակարգողներ Նարեկ Սամսոնյանը, Կոնստանտին Տեր-Նակալյանը, Արթուր Դանիելյանը, ինչպես նաև ուղիղ եթերն ապահովող օպերատորը:
Նախաձեռնության անդամները մշտապես հանդես են եկել Նիկոլ Փաշինյանի ղեկավարած կառավարության գործունեության քննադատություններով: